ملتان (اُردو پوائنٹ اخبارتازہ ترین – اے پی پی۔ 03 جولائی2024ء) خواتین یونیورسٹی میں بی ایس ، اے ڈی پی اور پوسٹ گریجوایٹ کلاسز کے داخلوں کاآغاز ہوگیا۔ فارم جمع کرانے کی آخری تاریخ 29جولائی مقرر کی گئی ہے۔ ترجما ن خواتین یونیورسٹی کے مطابق میں بی ایس چارسالہ پروگرام مارننگ ایوننگ کلاسز اے ڈی پی دوسالہ پروگرام اور پوسٹ گریجوایٹ کلاسز میں داخلے شروع ہوگئے ہیں۔
داخلہ فارم یونیورسٹی ویب سائٹ سے ڈاون لوڈ کئے جاسکتے ہیں ۔
بی ایس چار سالہ پروگرام میں 28مضامین میںداخلے لئے جاسکتے ہیں،ایم فل پروگرام کےلئے 24مضامین آفر کرائے گئے ہیں جبکہ پی ایچ ڈی کے لئے 11مضامین میں داخلے ہوں گے فارم ڈی 5سالہ پروگرام میں صبح شام کی کلاسز میں داخلے ہوں گے جبکہ 16مضامین میں ڈپلومے کرائے جائیں گے جن کادورانیہ چھ ماہ سے ڈیڑھ سال تک ہوگا،ہرمضامین کی 10 سیٹیں سیلف فنانس پر رکھی جائیں گی ۔ صرف طالبات داخلے کےلئے اپلائی کرسکتی ہیںدرخواست دہندگان کے انٹری ٹیسٹ کے لیے اصل شناختی کارڈ لائیں گی جبکہ حقدار طالبات کےلئے میرٹ سکالر شپ بھی موجود ہیں، ایم فل اور پی ایچ ڈی پروگرام کی داخلہ ٹیسٹ رول نمبر سلپ داخلہ پورٹل سے ڈائون لوڈ کی جا سکتی ہے۔
