بیجنگ: آب و ہوا اور ماحولیاتی بحران کے جواب میں ، نئی توانائی گاڑیوں کا کردار کسی سے ڈھکا چھپا نہیں ہے ، اور نئی توانائی بیٹریوں کی ری سائیکلنگ اور ڈسپوزل کا مسئلہ دن بدن نمایاں ہو رہا ہے۔ اس مسئلے کو حل کرنے کے لئے ، چینی حکومت نے اپنی نئی توانائی گاڑیوں کے عروج کے پیچھے بڑی صنعتی چین کے قیام کو فروغ دینے کے لئے متعدد اقدامات اٹھائے ہیں ، بشمول بیٹری کی تحقیق اور ترقی ، ری سائیکلنگ اور دیگر متعلقہ بنیادی ٹیکنالوجیوں میں کامیابیاں ، تاکہ نئی توانائی صنعت کی صحت مند ترقی کے لئے ٹھوس بنیاد رکھی جائے ، اور ایک ذمہ دار بڑے ملک کی ذمہ داری کا مظاہرہ کرتے ہوئے عالمی پائیدار سبز ترقی کے لئے مسلسل نئے راستے تلاش کیے جا سکیں۔چین کی الیکٹرک گاڑیوں کی صنعت نے پچھلے چند سالوں میں نمایاں ترقی حاصل کی ہے. 2023 میں ، چین کی نئی توانائی گاڑیوں کی فروخت 9 ملین تک پہنچ گئی ، جو مسلسل 9 سالوں سے دنیا میں پہلے نمبر پر ہے ، عالمی نئی توانائی گاڑیوں کی مارکیٹ میں چین کا حصہ 70 فیصد سے زیادہ ہے۔ اس کے ساتھ ہی چین برقی گاڑیوں کی بیٹریاں بنانے والا دنیا کا سب سے بڑا ملک بھی ہے، جس میں سی اے ٹی ایل اور بی وائی ڈی جیسی کمپنیاں بیٹری ٹیکنالوجی میں سب سے آگے ہیں، اور عالمی آٹومیکرز چین کی بیٹری کی فراہمی پر تیزی سے انحصار کر رہے ہیں۔اگرچہ برقی گاڑیوں میں کاربن کا اخراج نہیں ہوتا ہے ، لیکن ان کی بیٹریوں میں مختلف قسم کے نقصان دہ مادے ہوتے ہیں جن کو مناسب طریقے سے ٹھکانے لگانا ضروری ہے۔ 20 نومبر کو ، بیجنگ میں نئی توانائی بیٹری ری سائیکلنگ کانفرنس 2024 کا آغاز ہوا ، جہاں متعلقہ سرکاری محکموں اور صنعت کی متعلقہ شخصیات نے نئی توانائی بیٹری ری سائیکلنگ کے نئے ترقیاتی رجحان ، نئے راستے اور پائیدار ترقی کے ماڈل پر تبادلہ خیال کیا۔ اجلاس میں جاری "چائنیز نیو انرجی بیٹری ری سائیکلنگ انڈسٹری ڈویلپمنٹ رپورٹ 2024” کے مطابق ، چین کی نئی توانائی بیٹری کی صنعت پیداوار اور ایپلی کیشن سے لے کر ری سائیکلنگ تک پوری صنعتی چین میں قائدانہ پوزیشن میں رہی ہے۔ متعلقہ ماہرین نے نشاندہی کی کہ نئی توانائی بیٹریوں کا محفوظ اور ماحول دوست ڈسپوزل نئی توانائی صنعت کی صحت مند اور پائیدار ترقی کا ایک اہم حصہ ہے:مناسب ڈسپوزل کے بعد، نئی توانائی بیٹریوں کے ذریعہ حاصل کردہ دھاتوں کو سبز دھات کہا جاتا ہے، جسے نئی بیٹریوں کی پیداوار میں دوبارہ استعمال کیا جاسکتا ہے۔ دوسرا، نئی توانائی بیٹریوں میں استعمال ہونے والے بہت سے دھاتی مواد چین اور زیادہ تر ممالک میں دستیاب نہیں ہیں، بشمول کوبالٹ اور نکل، جنہیں بڑی مقدار میں درآمد کرنے کی ضرورت ہے، لہذا ری سائیکل شدہ نئی توانائی بیٹریوں کو "شہری کانوں” کے نام سے بھی جانا جاتا ہے، جو مستقبل کی صنعتی ترقی کے لئے ضروری خام مال کی فراہمی کو یقینی بناتا ہے۔ اس کے علاوہ ، کیسکیڈ استعمال اور ری سائیکلنگ کے ذریعے ، متروک بیٹریوں کی بقیہ قدر میں بہت زیادہ اضافہ کیا جاسکتا ہے اور بیٹری کے استعمال کی لاگت کو کم کیا جاسکتا ہے ، لہذا یہ صنعت کی پائیدار ترقی کے لئے اہم ہے۔چین کی نئی توانائی بیٹری ری سائیکلنگ صنعت کی ترقی میں نہ صرف سی اے ٹی ایل اور بی وائی ڈی جیسی عالمی ٹاپ انٹرپرائزز کا قائدانہ کردار ہے ، بلکہ چین میں غیر ملکی کاروباری اداروں کی سبز تبدیلی بھی شامل ہے۔ مثال کے طور پر 2022 میں بی ایم ڈبلیو گروپ نے چینی کمپنی ہوایوؤ ری سائیکلنگ کے ساتھ ہاتھ ملایا تاکہ الیکٹرک گاڑیوں کی بیٹریوں کے خام مال کے لیے کلوزڈ لوپ ری سائیکلنگ ماڈل تیار کیا جا سکے۔ اس سال ستمبر تک متروک ای وی بیٹری کے خام مال کے کلوزڈ لوپ ری سائیکلنگ ماڈل نے چین میں فروخت ہونے والے تمام بی ایم ڈبلیو الیکٹرک ماڈلز کا احاطہ کیا ہے، یعنیٰ متروک بیٹریوں میں نکل، کوبالٹ اور لیتھیم جیسے بنیادی خام مال کے اعلیٰ تناسب کو ریفائن کرکے، یہ تمام ری سائیکل شدہ خام مال چین میں بی ایم ڈبلیو کے نئے بیٹری مینوفیکچرنگ سسٹم میں واپس کردیا جائے گا ۔نہ صرف غیر سرکاری اور غیرملکی انٹرپرائزز بلکہ وسائل کی ری سائیکلنگ صنعت کو اپنے اہم کاروبار کے طور پر چلانے والی واحد حکومتی انٹرپرائز ، چائنا ریسورسز ری سائیکلنگ گروپ کمپنی لمیٹڈ کو اس سال اکتوبر میں باضابطہ طور پر قائم کیا گیا تھا ، جو نئی توانائی گردش کے میدان میں چینی قومی ٹیم کے باضابطہ داخلے کی علامت ہے ، جو وسائل کی ری سائیکلنگ اور صنعتی اپ گریڈیشن کو بہت فروغ دے گی ،اور سبز تعمیر کو فروغ دینے کی چینی حکومت کی پالیسی کی روشنی میں معیشت اور ماحولیاتی تحفظ کو ساتھ ساتھ آگے بڑھائے گی تاکہ نئی توانائی صنعت کی پائیدار ترقی حاصل کی جاسکے۔ احساس ذمہ داری ، لیڈر کا طرز عمل ہے، اور لیڈر کی شان و شوکت ہے. عالمی نئی توانائی صنعت میں ایک رہنما کی حیثیت سے ، چین اپنی بھاری ذمہ داریوں سے بخوبی واقف ہے ، اور کیا دنیا سبز تبدیلی اور پائیدار ترقی کی راہ پر مستقل ترقی کرسکتی ہے ،یقیناً اس حوالے سے چین کے اقدامات بہت اہم ہیں۔ ہمیں یقین ہے کہ چین ایک ذمہ دار بڑے ملک کے رویے کو برقرار رکھے گا اور عالمی سبز ترقی کے لئے چینی دانش اور چینی حل فراہم کرنا جاری رکھے گا۔
