مصر کے صوبہ اسیوت میں ایک تین منزلہ عمارت زمین بوس ہوگئی، جس کے نتیجے میں 14 افراد لقمہ اجل بن گئے۔
بین الاقوامی خبر رساں ادارے کی رپورٹ کے مطابق اسیوت کے گورنر عسام سعد کا اس حوالے سے کہنا تھا کہ الشرق نامی محلے میں منہدم ہونے والی عمارت کا لمبہ ہٹا دیا گیا ہے۔
عسام سعد کا کہنا تھا کہ زمین بوس ہونے والی عمارت کے ملبے سے 6 افراد کو زندہ بچا لیا گیا ہے جبکہ اموات کی تعداد 14 ہو گئی ہے، عمارت کے گرنے کا سبب جاننے کی کوشش کی جا رہی ہے۔
اس سے قبل روس کے دارالحکومت ماسکو میں حساس تحقیقاتی ادارے کی عمارت میں آگ لگنے کے باعث 7 افراد لقمہ اجل بن گئے تھے۔
آگ لگنے کے باعث زیادہ تر اموات عمارت میں دھواں بھرنے کے باعث ہوئیں۔
سعودی سیاحوں کو چاقو سے ڈرانے والا ترک شہری گرفتار
عرب میڈیا کا اس حوالے سے کہنا ہے کہ پلاٹن ریسرچ انسٹی ٹیوٹ روس کا اہم دفاعی الیکٹرانکس پروڈیوسر اور تحقیقی مرکز ہے۔
